LAOAG CITY – Mangnamnama ni Senate Committee on Finance chairman Senador Sherwin Gatchalian nga agatendar ni Senador Ronald “Bato” dela Rosa intono bigat, Disyembre 13, iti panaglukat ti bicameral conference committee meeting para iti 2026 national budget.
Karaman ni Dela Rosa kadagiti tumaktakder a vice chairman ti Committee on Finance isut gapuna ng otomatiko a paset daytoy ti conferees iti bicameral meeting.
Naipaima kenkuana ti panangdepensa ti nailungalong a budget ti Department of National Defense ken dadduma pay ng ahensya, ngem saan a nagpakita iti plenary deliberations ti Senado mainaig iti daytoy isut gapuna a ni Gatchalian ti nangsukat kenkuana.
Iti interview, inbatad ni Gatchalian a tradisyon a ti vice chairman ti Finance Committee ket otomatiko a paset ti ng bicameral conferees gapu ta ad-add a kabisado na ti pondo ti ahensya.
Gapu ta saan a nagikkat ni Senador Bato kas miyembro ti bicam, namnamaen ni Gatchalian ng agatendar ti senador intono bigat.
Kabayatanna, iti met saludsud ni maikkat ni Senador Bato, insungbat ni Gatchalian nga awan pay ti plano ken mangnamnama laeng nga aramiden ti pada na a senador ti responsibilidad na kas paset ti Senate contingent.
Iti kanito nga agkiddaw ti online ni Dela Rosa ket saan a mapatgan gapu ta awn iti pagannurutan ti bicam.
Saan pay a sigurado no ikonsiderar dagiti amendment na iti bicam no idalan laeng daytoy iti surat.
Ti bicam ket maipatungpal iti Philippine International Convention Center (PICC) ken inpasigurado manen da Senate President Vicente Sotto III ken Gatchalian a naka-livestream ti sibubukel a proseso ti bicam iti 2026 budget.
