LAOAG CITY – Inawagan ni Senador Risa Hontiveros a “destruction” ti panangitantan ti Senado para iti impeachment case kontra ken ni Vice President Sara Duterte.
Inbatad ni Hontiveros a saanen a maawagan pay a panangsurot iti procedures wenno dagiti wagas ti pannaka-delay nga ar-aramiden iti impeachment no diket maysa a makumikom nga aglemlemmeng iti arig protocol.
Inlawlawagna a ti panag-convene ti Senado kas impeachment court ken panangrugi ti panangtingiting ket mandato a nakailanad iti Konstitusion ngem iti uneg ti uppat a bulan ket nakapenpen ken naibaybayag laeng ti impeachment case.
Kunana a kadagiti nasao a bulan ket inawaganda isuna a saan a makaur-uray ken agresibo gapu iti panangikagumaanna a rugianen ti impeachment ngem ti kinapudnona ket saanda nga agal-alisto no diket agur-urayda kas kadagiti Pilipino a nabayagen nga agab-abang ti kinapudno.
Mainaig iti daytoy, binagaan ni Hontiveros ti Senado nga isardengen ti ay-ayam ken rugianen ti rules ken ti proseso ti impeachment a “forthwith” wenno insigida daytoy nga aramiden.
