LAOAG CITY – Manamnama nga agturong ni Senador Imee Marcos ditoy probinsiya ita nga aldaw tapno agibunong ti tulong kadagiti mannalon ditoy probinsya.
Daytoy ti inpakaammo ni Engr. Ma Teresa Bacnat, ti mangidadaulo ti Provincial Agriculture Office.
Inpettengna nga adda 700 a sako ti inorganic fertilizer ken 700 bottles ti oil ameliorants nga ipaay ti opisina kadagiti mannalon a naapektaran ti napalabas a Bagyo Egay a dimmuprak ditoy probinsiya.
Ti nasao a programa ket maiwayat iti oras ti alas 2 ti malem iti Centennial Arena ditoy ciudad ti Laoag.
