LAOAG CITY – Nagpanawagan ni Sen. Imee Marcos iti Department of Agriculture nga ipaaydan dagiti tulong kadagiti mannalon a naapektaran iti napalabas nga El Niño.
Segun kenkuana, nasken a masapol pay a maisuro kadagiti mannalon dagiti baro a teknolohia kadakuada tapno saan unay nga atiddog ti panagmula wenno planting period dagitoy.
Inbatadna a masapol nga agpaut laeng iti uneg ti 90 nga aldaw ti panagmula dagiti mannalon tapno saan unay a nabayag ken madadael ti inmulada.
Kabayatanna, inbilin ni Sen. Marcos iti Department of Public Works and Highways nga ita ti kapintasan a panangdalus kadagiti dam ken canal tapno mawaknitan ti pagnaan ti danum.
Innayonna a babaen iti daytoy ket maliklikan ti alisto a panagngato ti danum a makaitunda ti panaglayus dagiti residente kadagiti nagduduma a lugar ditoy probinsia.
