LAOAG CITY – Nagpanawagan ni Senador Kiko Pangilinan a kasapulan nga aggaraw a dagus ti gobierno tapno masigurado ti kinatalged dagiti Pilipino idiay Middle East, kalpasan ti panagatake ti US ken Israel idiay Iran.
Kiniddaw ni Pangilinan kadagiti Embahada ti Pilipinas iti rehiyon a dagus nga agipatungpal ti crisis protocol para iti mapattapatta a dua a milyon a Pilipino nga agtrabtrabaho idiay Middle East.
Kabayatanna, malaksid iti seguridad dagiti Pilipino iti abroad, inpetteng pay ti senador ti dagus a panagresponde iti possible a panagngato ti presyo ti krudo iti pagilian.
Segun ken ni Pangilinan, nasken nga ipatungpal ti fuel subsidy para kadagiti driver ti tricycle, jeepney ken bus kasta met para kadagiti mannalon ken mangngalap a mangnamnama ti diesel para kadagiti traktor ken bangka da.
