LAOAG CITY – Ginutigot ni Senator Loren Legarda ti Armed Forces of the Philippines (AFP) a maaddaan ti Quick Response Fund (QRF) allocation a mairaman iti tinawen a budget proposals.
Kabayatan ti Senate plenary session, kuna ni Legarda a ti military ti maysa kadagiti ummuna a responders iti crisis, ngem awan ti makaanay a pondo para iti Quick Response Fund sipud 2018.
Segun kenni Legarda, ti Quick Response Fund ket maipapay kadagiti ahensya tapno mausar da iti panawen ti kalamidad ken iti 2018 General Appropriations Act, adda ti P750 million ken daytoy a pondo ket nangsuporta iti rescue operations, logistics, ken post-disaster operations..
Nupay kasta, kunana nga iti simmarsaruno a tawen ket awan ti nailatang a pondo.
Inlawlawag na a ti Quick Response Fund ket nasken a maisina manipud iti pondo ti National Disaster Risk Reduction and Management (NDRRM).
Kabayatanna, kuna n Senate finance committee chairman Sherwin Gatchalian a suportatan na ti gagem a maipangato ti pondo ti Department of National Defense (DND) iti 2% iti gross domestic product (GDP) ti pagilyan.
Iti deliberasyon iti proposed Department of National Defense budget, kuna ni Gatchalian a ti agdama a defense budget ket katukad iti 1.2% iti GDP.
