LAOAG CITY – Nagpanawagan ni Senador Robinhood Padilla nga isardengen ti maipapan iti impeachment kontra kada Presidente Ferdinand Marcos Jr. ken Vice President Sara Duterte.
Inpetteng ni Padilla nga ita a 20th Congress ket nakaad-adu dagiti nasken a palpasen ti Senado ken Kamara pakairamanan dagiti gakat nga adda ti pakainaiganna iti inaldaw-aldaw a panagbiag dagiti ordinario a Pilipino.
Kiniddawna nga isardeng metten ti panangpulitika gapu ta mauman ti amin iti awan sarday a panagriri ken panaginnagaw ti bileg.
Ginutigotna a lagipen dagiti rupa dagiti mangriribuk ditoy pagilian.
Nadismaya ti agpanpanday linteg nga awanen ti inaramid ti pagilian no diket ti agutang ken awan pay ti naipapaay a panagprogreso kadagiti umili manipud idi nagrebolusion idi 1896 agingga iti 1986.
