LAOAG CITY – Pormalen a kiniddaw ni Senate Minority Leader “Tito” Sotto III ken ni Senate President Francis “Chiz” Escudero a mangipatungpal ti mandatory drug test iti Senado kalpasan ti maipagarup a panagusar ti marijuana ti maysa nga staff.
Inbatadna a babaen iti daytoy nga addang ket maipasigurado iti panagtalinaed ti morale ken integridad a rumbeng a makita kadagiti agserserbi iti gobierno.
Kuna ni Sotto, idi isuna ti Senate President idi 18th Congress, nangipatungpal daytoy ti random drug testing tapno masigurado ti drug-free ti Senado.
Immunan nga inbilin ni Escudero ti imbestigasion iti maipagarup a panagusar ti marijuana ti maysa nga staff ni Sen. Robin Padilla.
Innaganan ti Senate Office of the Sergeant-at-Arms ti dati nga aktres a ni Nadia Montenegro a basar iti maysa nga staff ni Sen. Panfilo Lacson ket isuna ti adda iti ladies’ comfort rooom idi adda ti maangot a marijuana iti lugar.
Naiget met a naglikudan ni Montenegro ti akusasion kenkuana ngem inadmitirna nga adda ti intugotna a vape iti bag-na.
Kabayatanna, naka-leave of absence ni Montenegro kabayatan iti pannakaiwayat ti imbestigasion iti opisina ni Padilla.
