LAOAG CITY – Inrakurak ni Senador Juan Miguel “Migz” Zubiri a dumalan daytoy ken dagiti amin nga staff-na iti drug test inton bigat, Agosto 18 tapno ikkaten ti panagdudua kontra kenkuana ken ti sibubukel nga adda iti opisina kalpasan ti maipagarup nga insidente ti panagusar ti marijuana iti uneg mismo ti Senado.
Inbatadna a no adda ti agpositibo iti asinoman iti staff-na, maipatungpal ti due process a mangbalanse iti accountability ken rehabilitasion.
Inawat met ti Senador ti kaudian a rakurak ni Senate Minority Leader Vicente “Tito” Sotto III a biagen ti Senado ti random drug testing kadagiti empleado daytoy.
Nagpanawagan isuna kadagiti kakaduana iti Senado a dumalan iti drug testing tapno makatulong iti panagsubli ti talek ti publiko iti Senado.
Inpettengna a nakasagana daytoy a dumalan iti naig-iget a testing methods pakairamanan ti hair follicle drug test.
Maipalagip a nadakamat ti aktres a ni Nadia Montinegro iti incident report ti maipagarup a panagusar ti marijuana iti uneg tii comfort room dagiti babbai iti Senate building.
Kinumpirmaran met ni Atty. Rudolf Philip Jurado, chief of staff ni Senador Robin Padilla a ni Montenegro ket agtrabtrabaho iti opisinada.
Kabayatanna, naglikudan ni Montenegro ti panagusar ti marijuana wenno panangitugot ti vape iti bag-na.
