LAOAG CITY – Mangisayangkat ti Senado ti necrological service para iti pannakatay ni dati a Senate President Juan Ponce Enrile inton Mierkoles, Nobiembre 19.
Maiyuswat ti necrological service iti Session Hall ti Korte Suprema iti oras ti alas-9 ti bigat.
Naammoan a dagiti laeng kangrunaan a naimbitaran a bisita ken otorisado a personnel ti mapalubosan a makastrek iti hall.
Mainaig iti daytoy, sakbay ti necrological service, maiyuswat ti arrival honors para iti lungon ti pimmusay a Senate President iti agarup alas-8:45 ti bigat.
Maipalagip a pimmusay ni Enrile idi Huebes iti tawenna a 101 kalpasan ti pannakilabanna iti sakit a pneumonia.
Kabayatanna, nagserbi ti uppat a termino ni Enrile iti Senado manipud idi 2008 agingga iti 2013.
