LAOAG CITY – Pormalen a naawat ti Senado ti kopya ti 2026 national expenditure program nga agbalor ti P6.793 trillion.
Indaulwan ni Budget Secretary Amenah Pangandaman ti panangisumitir dagiti dokumento ti national expenditure program nga inawat ni Senate President Francis Escudero ken ni Senador Sherwin Gatchalian kas chairman ti Senate Committee on Finance.
Nagatendar pay da Senate Majority Leader Joel Villanueva ken Senador Alan Peter Cayetano.
Segun iti Department of Budget and Management (DBM), ti kadakkelan a paset ti pondo met mailatang iti sektor ti edukasyon nga agbalor ti ₱1.224 trilyon, sumaruno ti imprastruktura nga addaan ti ₱881.3 bilyon, ken iti sektor ti salun-at nga agbalor ti ₱320.5 bilyon.
Maiyataday daytoy iti immunan a nagbalin a rakurak ni Gatchalian nga iprayoridad ti 2026 budget ti sektor ti edukasyon, isut gapuna a maawagan daytoy ti “education budget.”
Kabayatanna, naka-schedule intono Setyembre 1 ita a tawen ti taripnong ti Development Budget Coordination Committee (DBCC) mainaig iti nailungalong a pondo para iti sumaruno a tawen.
