LAOAG CITY – Dakkel ti pammati ni Senador Ronald “Bato” dela Rosa a makalusot iti Senado ti pannakaisubli ti mandatory Reserve Officers’ Training Corps a naibasura idi gapu iti korapsiyon.
Daytoy ti nagbalin a rakurak ni Dela Rosa kalpasan a kimmaro ti tensyon iti nagbaetan ti Pilipinas ken China iti pannakibiang manen ti Chinese Coast Guard iti West Philippine Sea (WPS).
Inbatad na a kasapulan ti agsagana tapno saan nga agtungpal ti Pilipinas iti giyera.
Inlawlawag na a naidumduma ti Reserve Officers’ Training Corps Program a maysa a wagas a kasapulan ti gobierno tapno makapagsagana iti aniaman a mapasamak.
Maysa ni Dela Rosa kadagiti immuna a nagpila ti pannakaisubli ti Reserve Officers’ Training Corps a naikalendaryon a matratar iti plenaryo iti panagsubli ti sesyon ti Senado intono Hulyo ita a tawen.
Maipalagip a napagbalin nga optional ti Reserve Officers’ Training Corps idi 2001 kalpasan a nagpukaw ken ti saan a nagbayag ket nabirukan ti bangkay ni Mark Chua kalpasan nga inbutaktak na ti korapsiyon iti programa.
