LAOAG CITY – Inlawlawag ni Senador JV Ejercito a sumurot iti proseso ti panagdengngeg iti ethics complaint kontra ken ni Senador Ronald “Bato” dela Rosa nga agingga ita ket aglemlemmeng pay laeng.
Immunan nga inbatad ni Ejercito a posible a saan a maituloy ti ethics complaint kontra ken ni Dela Rosa no insigida nga idatag iti panagdengngeg gapu ta awan ti pagibasaranda kadagiti Senador a nabayag nga absent iti trabaho ken kasapulanda nga umuna nga amendaran ti Senate rules para iti daytoy.
Inlawlawagna nga awan ti ibagbagana a dismiss outright wenno ibasura nga insigida ti reklamo kontra ken ni Dela Rosa no diket temporario laeng a maidulin gapu iti kinaawan ti probision iti pagannurotan mainaig iti absenteeism wenno no work, no pay.
Malaksid iti daytoy, ti panangamendar iti Senate rules ket agkasapulan ti panangaprobar kadagiti amin a Senador ken saan laeng a dagiti miembro ti Ethics Committee.
Inpetteng ni Ejercito a siguradoenda a maipatungpal ti due process iti panagdengngeg ti tunggal kaso kontra iti sumagmamano a Senador.
