LAOAG CITY – Masayangan ni Senador JV Ejercito iti saan a pannaka-aprubar iti appointment ni Gina Lopez kas secretary iti Department of Environment and Natural Resources (DENR).
Reaksyon daytoy ni Ejercito bayat iti ibibisita na iti Sarrat, Ilocos Norte kas naisangsangayan a bisita iti panagfiesta ti nasao nga ili.
Kuna na nga awanen ti kas ken ni Lopez nga addaan ti goal para ti pannaka-salaknib iti aglawlaw.
Inbatad na a saanna nga ammo no ania ti rason a saan nga inaprubaran dagiti kameng iti Commission on Appointment (CA) ti appointment ni Lopez.
Nupay kasta, kuna na a respetaren na ti nagbalin a desisyon dagiti maseknan gapu ta maysa a constitutional body ti nasao a grupo.
