LAOAG CITY – Suportaran ni Senador JV Ejercito ti plano ti baro a Department of the Interior and Local Government (DILG) Secretary Jonvic Remulla seknan iti patas ken merit based promotion iti Philippine National Police (PNP).
Segun ken ni Ejercito, daytoy ti manglukat iti dalan para iti Philippine National Police nga agbalin nga ad-adda a propesional ken maikkaten ti pandrino system iti pannakaitandudo dagiti personnel ken opisial ti nailyan a pulisya.
Segun iti senador, nagbalin laeng a napudno ni Remulla iti iti pannaka-ipromote dagiti kameng ti pulisya.
Kinunana nga apektaran ti patronage politics ti kinaepektibo ti PNP no sadinno a mabalin a mangdadael iti imahe ti pulisya
Kabayatanna, naamuan pay a gagem ni DILG Secretary Remulla a maiserra amin a Philippine Offshore Gaming Operators wenno POGO hub ditoy pagilyan sakbay nga agngudo ti tawen.
