LAOAG CITY – Inbilin ti Senate Impeachment Court ti House Prosecution Panel ken ti defense team ni Vice President Sara Duterte nga agisubmitir kadagiti komentoda inton Hunio 22.
Inbatad ni House Trial Spokesperson ken Lanao del Sur Rep. Zia Alonto Adiong mainaig iti komento iti stipulation process maipanggep iti impeachment case kontra ken ni Vice President Sara.
Inlawlawagna a nagbalin a naannayas ti pannakaisayangkat ti pre-trial conference idi kalman.
Kunana a ti naballigi a pre-trial conference ket mangipakpakita ti naan-anay a panagtaray ti impeachment process maiyataday iti pagannurotan ken iti naikeddeng iti Konstitusion.
