LAOAG CITY – Kinumpirmaran ni Senate President Vicente ‘Tito’ Sotto nga adda ti addang tapno maikkat isuna iti puestona.
Segun kenni Sotto, narwamen kadagiti isyu no normalen a pasamak daytoy iti Senado.
Saanna met a dinakamat no siasinno ti naggapoan ti impormasion.
Inbatad na nga ipabus-oy na kadagiti padana a Senador gapu ta agpannuray kadagiti miembro ti panagtalek da iti maysa a Presidente ti Senado.
Malagip a rimuar ti isyu ti pannakaikkat ni Sotto ken 14 kadagiti kaalyadona iti Senado idi Oktubre kabayatan ti kangitingitan ti imbestigasion kadagiti anomalya dagiti flood control projects.
