LAOAG CITY – Inlawlawag ni Senate President Chiz Escudero a saan a ti komite ni Senador Ronald “Bato” dela Rosa ti mangidaulo no agtultuloy ti panagimbestigar ti Senado iti drug war wenno aniaman nga imbestigasion mainaig kenkuana ken ni Senador Bong Go.
Segun ken ni Escudero a daytoy ket tapno awan ti alegasion a daytoy ket personal ken tapno maliklikan ti a patas a sitwasyon.
Kinunana a nagsaritada ken Dela Rosa, ken immanamong met ti senador iti plano ti Senate President.
Iti agdama ket mannarimaan nga ipinpinal ti Senado ti komite a mangidaulo iti imbestigasion iti war on drugs ti administrasion ni Duterte kontra droga.
Posible met a ti Committee of the Whole ti mangidaulo iti imbestigasion ngem ikonsiderar met ni Escudero ti sabali pay a komite a mangasikaso iti imbestigasion.
Kinunana a makiuman pay isuna kadagiti dadduma a senador mainaig iti nasao a banag.
