LAOAG CITY – Dakkel a saludsud para kenni Senate President Francis Escudero no siasinno ti mangsukat ken ni Vice President Sara Duterte no ma-impeach.
Inlawlawag ni Escudero a naipalaon iti Section 9, Article VII ti 1987 Constitution a no adda ti mabakantean iti Office of the Vice President, ti chief executive ket manginominar ti kasukat na manipod iti senado ken kamara de representantes.
Inyarig ni Escudero ti napasamak idi napadisi iti pwesto ni President Joseph Estrada ken sinukatan ni Vice President Gloria Arroyo.
Gapu iti napasamak ket nabakantean ti bise president vice presidency rason a nangdutuk ni Arroyo manipod iti kongreso.
Kuna ni Escudero nga ammo dagiti agpanpanday linteg a dagiti kwalipikasyon para iti kina-bise presidente ket masapol a natural-born Filipino citizens, registered voters, residente ti Pilipinas ken kabaelan na ti agsurat ken agbasa.
Nupay kasta, inpalagip ni Escudero a masapol a ti agtugaw a bise presidente ket agtawen ti 40 agpangato kas nailanad iti Article 7, Section 2 ti charter.
Naamoan nga amin dagiti nakatugaw a senador ket agtawen iti 40 agpangato idinto a kaadoan kadagiti kongresista ket agtawen ti 40 agpababa isut gapuna a saan da a mabalin a mainominar gapu ta saanda a kwalipikado.
