LAOAG CITY – Inpakita ti kinalaing ti Senegal kalpasan nga inabakda ti Iraq iti score a 5–0 iti BMO Field, Toronto, Canada iti Group I ti FIFA World Cup 2026.
Nasapa a nakapuntos ni Habib Diarra iti maikapat a minuto, sinaruno ni Ismaïla Sarr ken dua a goal ni Pape Gueye iti maikadua ket gudua.
Innayon ni Iliman Ndiaye ti maudi a goal iti maika-82 a minuto tapno naan-anay a lumamang iti laban.
Iti panagballigi, nakairekord ti Senegal ti umuna a puntosda iti torneo ken nakastrek iti knockout stage kas third placer ti grupo.
Kabayatanna, naikkat ti Iraq kalpasan a naglippas nga awan ti puntos ken addaan ti goal difference a -11.
Inatendaran iti laban ti sumurok 43,000 fans a nangipaneknek iti nabara a suporta dagiti agbuybuya iti FIFA World Cup 2026.
