LAOAG CITY – Maisagsaganan ti kaso a maipila kontra iti suspek ti napasamak a pammagkong iti Brgy. 1, San Lorenzo ditoy ciudad ti Laoag.
Ti biktima ket agtawen ti 28, addaan ti live-in partner, residente iti Brgy. 1 ditoy ciudad idinto a ti suspek ket agtawen ti 63, naasawaan ken residente iti Barangay 12 ditoy ciudad.
Iti imbestigasyon ti Philippine National Police, naaddaan ti komosyon ti biktima ken ti bayaw na iti compound da rason a napan naganawa ti suspek.
Nupay kasta, dinanog ti biktima ti suspek isut gapuna a napan nangala ti naud-udi ti natarid a kayo ken inbagkong na iti biktima a nakatamaan ti akin-kannawan a paset ti bagina.
Naitaray a dagus ti biktima iti Governor Roque B Ablan Sr Memoria Hospital babaen ti live-in partner na para iti naan-anay a pannakataming na.
Ginandat met ti suspek ti aglibas ngem naarestar metlaeng daytoy babaen ti naiyuswat nga hot pursuit operation iti Laoag Central Terminal, bisinidad ti Brgy. 1, ditoy ciudad ti Laoag.
Rumrumuar a ti motibo iti insidente ket ti saan a panagkinnaawatan a dinegdegan ti kaadda ti impluwensya ti nasanger dagiti maseknan.
