LAOAG CITY – Natay ti maysa a senior citizen kalpasan ti pannakalmes na iti mini impounding dam iti Sitio 1, Barangay 56-B, Bacsil South ditoy ciudad ti Laoag.
Ti biktima ket agtawen ti 61, awanan ti asawa, rumrumuar nga addaan ti mental illness ken residente iti nadakamat a barangay.
Iti imbestigasyon dagiti otoridad, ti nakakita iti biktima ket agnagan ti Royaden, agtawen ti 40, naasawaan , maysa a mannalon ken residente met laeng iti nasao a barangay.
Inbatad ti PNP a mapan kuma pakanen ni Royaden ti dingwen na idi nakita na ti tumtumpaw a biktima isut gapo na a dagus na nga inreport iti barangay ken timmawag da iti PNP.
Kabayatanna, iti panangeksamin ni Dr. Joseph Adaya iti biktima ket gapo iti Asphyxia Secondary to Drowning ti nakatayan ti biktima ken rumrumuar nga addan ti agarop uppat nga oras a pimmusay daytoy sakbay a nakita.
