LAOAG CITY – Naarestar ti maysa a senior citizen babaen ti bileg ti maysa a warrant of arrest nga inserbi dagiti kameng ti Philippine National Police iti ili ti Pasuquin.
Segun ken ni Police major Jonvale Maramag, ti chief of police iti ili ti Pasuquin, ti akusado ket agtawen ti 66, naasawaan, mannalon, taga Sanchez Mira Cagayan ngem agdama nga agnanaed iti Barangay Puyupuyan iti nasao nga ili.
Inbatad ni Maramag a ti akusado ket sumangsango iti kaso a panaglabsing iti Republic Act (RA) 10591 wenno Comprehensive Firearms and Ammunition Regulation Act.
Nairekomendar ti 120 ribo a pisos a piyansa ti akusado para iti temporaryo a pannakawaya-waya na.
Iti agdama ket nagtalinaed ti akusado iti kwerpo ti pulisya ken maiyur-uray laeng ti commitment order para iti pannakaiyakar na iti Ilocos Norte Provincial Jail.
Maipalagip nga adda dagiti nangireklamo iti akusado gapu iti maipagarop a panagtutuk na ti paltog.
