LAOAG CITY – Nalmes ti maysa a senior citizen iti Padsan River iti Barangay Lanas iti ili ti Dingras.
Ti biktima ket agtawen ti 66, naasawaan, mannalon ken residente ti Barangay Saludares iti nasao nga ili.
Basar iti Dingras Municipal Police Station, kabayatan nga agiinom ti biktima ken ti dua a pagayamna ket napan nagdigos ti biktima iti karayan.
Nupay kasta, kalpasan ti sumagmamano laeng a minuto ket nakita dagiti pagayam ti biktima a malmalmes daytoy rason nga insigida a napanda tinulungan.
Naitaray ti biktima iti Dingras District Hospital ngem naideklarar a dead on arrival babaen ti attending physician a ni Dr. Catherine Damasco.
