LAOAG CITY – Napilaanen ti kaso a Direct Assault ti maysa a senior citizen nga agnagan ti Alfredo Dela Cruz y Cabacungan, agtawen ti 70, awanan asawa, ken residente iti Brgy. Bonifacio, Cabugao, Ilocos Sur.
Segun ken ni P/Cpt Randy Damo, hepe ti San Nicolas Muncipal Police Station naipursigi ti pannakaipila ti kaso kontra kenkuana.
Basar iti imbestigasion, nagresponde dagiti kameng ti Philippine National Police iti Department of Foreign Affairs a masarakan iti dakkel a mall iti ili ti San Nicolas kalpasan a nagprobokar ti senior citizen, ket rumrummuar a pinagsawsawanna dagiti empleado ti agkakadakes pakairamanan dagiti nagresponde a kameng ti polisia.
Kabayatanna, nagtalinaed ti suspek iti kuerpo ti San Nicolas Police Station.
