LAOAG CITY – Natay ti maysa nga indibidual kalpasan a nalmes iti dam iti Barangay Paltit iti ili ti Badoc.
Ti biktima ket agtawen ti 69 a lalaki, mannalon ken residente iti nasao a barangay.
Segun kenni Police Captain Elison Pasamonte, ti chief of police ti Philippine National Police – Badoc, nagturong ti biktima ken dagiti kakadua na iti dam.
Nupay kasta, nakigtot laengen dagiti kakadua na gapo ta saan dan a nakita ti biktima isut gapo na a binirok da ken nakita da a nalmes daytoy.
Iti imbestigasyon dagiti otoridad, maipagarop a naigalis ti biktima a rason ti pannakalmes na.
Naitaray ti biktima iti Corpuz Clinic and Hospital iti ili ti Sinait ngem naideklara a dead on arrival.
Kabayatanna, awan met ti nakita ti pulisya a foul play iti nasao nga insidente.
