LAOAG CITY – Inkari ni Islamist rebel group Hayat Tahrir al-Sham (HTS) leader Abu Mohammed al-Jolani nga ipublikar da ti nagan dagiti senior officials iti rehimen ni dati a Syrian President Bashar al-Assad a karaman iti pannaka-parparigat dagiti balud iti Syria.
Nangidiaya payen ni Abu Mohammed al-Jolani ti gunguna para iti siasinno man a makaipaay ti impormasyon maipanggep kadagiti senior army ken security officers a karaman iti “war crimes”.
Inrakurak daytoy ti lider ti rebel group kalpasan nga adda ti narekobre nga 40 a bangkay iti morgue iti maysa nga ospital iti ciudad ti Damascus ken nakita dagiti pagilasinan a naparparigat dagitoy.
Kabayatanna, insardengen dagiti rescue workers ti panagsawar da para iti dadduma pay a balud iti secret cells wenno basements iti Saydnaya military prison nga awan pulos ti nabirukan da.
