LAOAG CITY – Mamati ni Sang Panlalawigan Member Davinci Crisostomo a dakkel ti maitulong ti inlungalong da a gakat mainaig ti sewerage and septage management program kas maibasar iti clean water act.
Inlawlawag na a no mapagbalin daytoy a naan-anay a paglintegan ket addan to ti maipatungpal a public hearing tapno maipakaammo iti publiko dagiti proseso.
Segun ken ni Crisostomo, babaen ti sewerage and septage management program ket masapol a no addan lima a tawen ti septic tank ket maikkaten ti karga na ken ti pangal-alaan ti danom ti mangaramid iti daytoy.
Kuna na a no paikkat ti karga ti septic tank ket adda ti mabayadan.
Segun pay ken ni Crisostomo, dagiti maikkat iti septic tank ket maipan iti Water Treatment Facility.
Innayon na a basar ti napan da kinita a water treatment facility iti maysa a ciudad ditoy pagilyan ket nailawlawag kadakuada dagiti proseso agingga a ti mabati a danom ket nadalusen ken mabalinen nga ikabil iti kanal, karayan ken dadduma pay.
