LAOAG CITY – Saan a pimmasa ti inlungalong a gakat ni Sang. Bayan Member Marvin Pascua iti ili ti Solsona kabayatan ti privilege speech na iti maika-104 a regular session ti Sang. Bayan iti ili ti Solsona.
Ti nasao a gakat ket pannangkalikagum ni Sang. Bayan Member Pascua a pannaka-imbestigar kadagiti shooting incident iti nasao nga ili gapu ta addan pakabuklan a 36.
Segun ken Pascua, dua da laeng ken Sang. Bayan Member Ganal ti immanamong iti daytoy.
Mainaig iti daytoy, patien ni Pascua nga adda pakainaigan dagiti shooting incident iti benneg ti pulitika.
Nu pay kasta, uray saan a pimmasa iti Sangguniang Bayan ket agsurat tu isuna iti crime laboratory iti ili ti Solsona tapno dumawat ti pammalubos nga inbestigaran na ti no adda pakainaigan ti nasao nga armas iti sabsabali pay nag insidente ditoy probinysa
Gapu ta no saan a maintunaran daytoy ket mabalin a dumakkel ti bilang dagiti insidente ti pammaltog, saan laeng nga iti ili ti Solsona no di ket iti intero a probinsya.
Kabayatanna, ti namunganayan ti privilege speech ket kalpasan a na-identify ti M16 armalite rifle a nausar iti kaso ti dati a pulis a ni Rex Agmata.
Patien ni Pascua a ti nausar a paltog ket mabalin nga adda pakainaiganna kadagiti napasamak a pammaltog a nagusar iti M16 armalite ditoy probinsya.
