LAOAG CITY – Dakkel a tulong ti sierra madre tapno makaliklik iti panagpasar kadagiti napipigsa a bagyo iti Luzon.
Daytoy ti inbatad ni Engr. Cynthia Iglesia iti Department of Science and Technology (DOST) – Philippine Atmospheric, Geophysical and Astronomical Services Administration ditoy ciudad ti Laoag.
Segun ken ni Iglesia, namin-adon a daras a nakatulong ti sierra madre iti Luzon a pakairamanan ditoy Ilocos Norte manipod kadagiti napipigsa a bagyo.
Inlawlawag na a no bumallasiw ti bagyo iti kabanbantayan a paset ti sierra madre ket kumapsoten ti bagyo ken agbaliw ti direksyon na.
Iti baet daytoy, inbalakad ni Iglesia a saan a rumbeng nga agkampante ken masapol a nakasagana a kanayun no adda ti dumuprak a bagyo ditoy probinsya.
