LAOAG CITY – Naelektaran ni Simon Harris, agtawen ti 37 kas kaubingan a Prime Minister idiay Ireland.
Ni Harris ti nangsukat ken ni dati a Prime Minister Leo Varadkar a nagresign laeng iti napalabas a bolan ken isuna ti maika-16 a mangidaulo iti pagilian nga addaan ti 5.8 million a populasyon.
Immuna a nagserbi ni Harris kas health and higher education minister iti Ireland ken maysa kadagiti kangrunaan a timmulong idi panawen ti COVID-19 iti nadakamat a pagilian.
Iti panagbitla ni Harris, inkari na nga agbalin a patas iti panagserbi na iti amin a residente idiay Ireland ken salwadan na ti panagtalek kenkuana dagiti umili a rason ti nakaipatugaw iti pwesto na.
