LAOAG CITY – Mamati ti Samahang Industriya ng Agrikultura (SINAG) a saanen a kasapulan ti MAV plus import scheme.
Basar iti Samahang Industriya ng Agrikultura, umdasen ti implementasion ti P380 a kada kilo a price cap iti liempo wenno pork belly tapno masolbar ti dakkel a gidyat iti nagbaetan ti farmgate ken retail prices iti karne a baboy.
Ti farmgate prices ti sibibiag a baboy ket agay-ayam iti P180-P190/kg iti napalabas a pito a bulan idinto ti liempo ket nangina latta nga adda iti P400-P450/kg.
Iti baet ti panagadu ti imported pork ken ti taripa, nagtalinaed nga adda iti ₱180 agingga ₱190 iti kada kilo ti farmgate price ti sibibiag a baboy idinto nga adda iti ₱450 ti presio ti liempo.
Ti pudno a rason ket ti problema iti supply chain kas ti nakapsot a market regulation ken dadduma pay.
Nagpanawagan nga isubli ti dati a pork import tariffs ken paigetan ti border inspection kontra iti African Swine Fever ken agricultural smuggling.
Inpetteng ti grupo a napateg a papigsaen ti lokal a produksion ti taraon tapno mapagtalinaed ti food security ken kinatibker ti ekonomia.
