LAOAG CITY – Ipatungpal ti Singapore dagiti baro a linteg a gagemna ti mangsalaknib kadagiti umili manipud iti online sexual abuse, pakairamanan ti panangusar iti artificial intelligence (AI) tapno makaaramid kadagiti sensitibo nga imahe nga awan ti pammalubos manipud iti maysa nga indibidual.
Iti babaen ti baro a linteg, krimen ti panagaramid kadagiti intimate imaes, agraman dagiti AI generated mterials, nga awan ti pammalubos.
Posible a maibalud agingga iti dua a tawen wenno mamulta ti aglabsing.
Naig-inget pay ti pannusa no ti biktima ket menor de edad nga awan pay 14 ti tawenna.
Mainaig iti daytoy, dagiti suspek a mang-groom kadagiti menor de edad manipud ti ballasiw-taaw ken nakaaramid iti seksual a basol ket mabalin a mapilaan ti kaso idiay Singapore, no ti suspek wenno biktima ket nagbiahe manipud Singapore sakbay a napasamak ti krimen.
Para kadagiti biktima nga awan pay 14 ti tawenda, mabalin a maibalud agingga iti pito a tawen no napaneknekan a nang-groom ken nangabuso kadagiti ubbing iti ballasiw-taaw.
Segun iti Singapore Ministry of Home Affairs, gagem ti linteg a mapa-simple ti pannakaipatungpal dagiti linteg kontra iti online sexual abuse ken mangkissay iti pannakapataud ken pannakaiwaras dagiti AI-generated sexual mterials.
