LAOAG CITY – Naragsak nga inburay ti singer a ni Ronnie Liang ti panagturposna ti Doctorate in Development Administration.
Iti online account ti singer, nag-post daytoy ti ladawan ti panagturposna.
Ibilangna a dakkel daytoy nga achievement iti karerana iti nasao a diploma.
Adda ti caption daytoy ti pananggun-odna ti Ph.D in Development Administration, major in Security Development Administration iti Philippine Christian University.
Naglikudanna a para iti plano daytoy a sumrek iti pulitika ti panangalana ti doctorate degree nga imbes ket personal nga ambisyonna.
Idi 2022 idi nagturpos isuna ti Masters Degree iti Management Major in National Security and Administration.
Malaksid iti panagbalinna a singer ket maysa daytoy a private pilot ken army reservist pay ni Liang.
