LAOAG CITY – Nagtalinaed a natibker ti sistema ti kuarta ti Pilipinas iti baet kadagiti pannubok iti geopolitical ken ti panagbalbaliw dagiti pagannurotan basar iti Financial Stability Coordination Council (FSCC).
Ti nasao a rakurak ket kalpasan a nangiruar ti inter-agency ti report-da para iti 2024 Financial Stability Report (FSR).
Ti Financial Stability Coordination Council ket maysa nga inter-agency council a bukbuklen ti Bangko Sentral ng Pilipinas (BSP), Department of Finance (DOF), Insurance Commission (IC), Philippine Deposit Insurance Corporation (PDIC) ken Securities and Exchange Commission (SEC).
Basar pay iti Financial Stability Coordination Council, ti mapaspasaran a natibker a sistema ti kuarta iti pagilian ket gapu iti agtultuloy a panagbaba ti inflation, natibker a panagdur-as ti ekonomia ken napigsa nga international reserves ti pagilian.
