Inpakaamo ni Mayor Remigio Medrano iti ili ti Sarrat a naipan iti lockdown ti Sitio 4 iti Brgy. 9 a residensya ni IN-C36 wenno ti maika-36 a kaso ti covid-19 ditoy probinsya.
Nu pay kasta, inbatad na a saan pay a masinunuo nu mano nga aldaw ti pannakaipatungpal ti lockdown iti nasao a lugar.
Kuna na a maiyuray ti desisyon ni Governor Matthew Marcos Manotoc seknan iti daytoy a banag.
Kabayatanna, kuna ni Medrano a manamnama a maipanmet iti ospital ti maysa a kabbalay ti nagpositibo gapu ta maipagarup a makarikrikna ti sintomas iti virus.
Innayun na nga agpapan ita ket burburtsa pay laeng kadakuada nu nakaalaan ni IN-C36 ti virus.
Iti agdama ket manarimaan ti contact tracing ti nakapulapol ti nasao a pasyente.
