LAOAG CITY – Inpakammo ni Barangay Kagawad Jay-Z Lagundino iti Barangay Pancian iti ili ti Pagupud nga one-lane passable ita ti Sitio Banquero gapo iti panagreggaay manen ti daga.
Segun kenni Lagundino, daytoy ket gapo ta arig na makalawasen a makapaspasar ti lugar da ti panagtudo a rason ti panaglukneng ti daga.
Inbatad na nga iti laksid nga one-lane passable laeng ti nadakamat a kalsada ket makadalyasat met amin a klase ti behikulo.
Kunana a no kastoy a panawen ket adda latta dagiti agegreg a batbato manipud iti ngato ti bantay gapo iti mapaspasaran a tudo.
Mainaig iti daytoy, innayon na a kadagitoy ket kapigsa nga agdawa dagiti pagay isut gapo na a maladingitan dagiti mannalon.
Kabayatanna, binalakadan na ti publiko a no saan nga importante ti pagturungan ket liklikan ti dumalan iti nasao a lugar gapo ta delikado.
