LAOAG CITY – Naiyendorsar iti Committee on Transportation iti Sanggunian Panlungsod ditoy ciudad ti Laoag dagiti ten-wheeler trucks a nakahilera iti paset ti Brgy. Barit
Segun ken ni Konsehal Justin Chua, adda ti naawat na a reklamo mainaig iti nasao a banag rason nga indasar na iti konseho tapno maikkan iti naan-anay nga aksyon ken maadal a nalaing nu kasanu iti pamay-anda.
Inlawlawag na a dagitoy a dadakkel a lugan ket nakaparking iti paset ti Bacarra road iti nadakamat a barangay nangruna iti malem.
Patienna a dakkel ti posibilidad a makaitunda ti desgrasia daytoy gapo ta awan ti makita iti agsinnumbangir a linya wenno arig-na blind side iti kalsada. Mangnamnama ni Chua a maipaayan ti atensyon ii nasao a banag sakbay pay nga adda dagiti madesgrasia iti nasao a lugar.
