LAOAG CITY – Kinumpirmaran ni Mrs. Emerlita Ludia, iti Malta, in-inoten iti panaglukat dagiti nagduduma a klase ti negosyo gapu ta in-inot iti panagbaba ti kaso ti COVID-19 iti nasao a lugar.
Kuna na nga adda laengen iti 270 nga aktibo a kaso iti pagilian da.
Iti datus ti Johns Hopkins University, umabot iti 30,307 total cases, nga addaan iti 415 fatalities, 29,622 recoveries ken ti nasao a bilang dagiti aktibo a kaso.
Segun kenni Ludia, malukatanen ti Malta para kadagiti turista ken mangipaay da pay iti kuarta kadagiti maskenan tapno maitandudo ti lugar da.
Kabayatanna, inbunannag na a nakumpleton a nabakunaanen kontra iti COVID-19 kasta met dagiti dadduma pay a residente a natudukanen iti second dose ti bakuna sipud idi Pebrero 2021.
Innayon ni Ludia, a possible a mabakunaanen dagiti residente iti Malta intono bulan ti Agosto.
