LAOAG CITY – Siyam pay laeng dagiti nadeterminar a nakapulapol ti maika-126 a kaso ti covid-19 ditoy probinsya wenno ti IN-C126, agtawen ti 23 a lalaki, residente iti Barangay Monte iti ili ti Paoay ken maysa nga APOR.
Segun kenni Police Captain Eddi Suyat, chief of police ti PNP-Paoay, pito dagiti kapamilya ti nadakamat a pasyente nga agdama a naka-home quarantine ken manamnama a dumalan iti swab test intono Lunes.
Inbatad na nga adda pay ti maysa a nakapulapol ti pasyente iti ili ti Sarrat kalpasan a napan nagpa-welding daytoy ken maysa iti ili ti Currimao a kadwa na iti trabaho.
Ni IN-C126 ket nagatlinaed iti Takuat Training Center.
Iti agdama ket agtultuloy pay laeng ti pannakaisayangkat ti contact tracing para kadagiti nakapulpulapol ti pasyente.
