LAOAG CITY – Kinumpirmaran ni SK Chairman Kelvin Gubac iti Barangay Pugaoan iti ili ti Pinili a bayat ti panagsasarita da iti Barangay Balbuena ket inadmitir ni SK Federated President Hervin Dave Pagdilao a madi ti inaramid na kenkuana.
Segun kenni Gubac, saan a pudno ti alegasyon a saan a tumultulong kadagiti aktibidad ti SK ken mabalin a ti rason no apay a naibaga nga awan ti ar-aramiden na ket gapo ta saan a nakabirok ti agbalin a kandidata ti barangay da iti maiyuswat a search.
Inlawlawag na nga inpakpakaunana nan idi nagtataripnong da nga awan ti agbalin a kandidata ti barangay da no ti standard ti mabalin a makisalip ket agtawen ti 18 agingga iti 24 ken agtayag ti 5’4.
Kunana nga idi insuhestyun na a nababbaba kuma nga 18 ti tawen dagit agbalin a kandidata ket saan nga immanugot ti organisasyon.
Ummuna iti daytoy, kuna ni Gubac a namitlo isuna a dinanog ni Pagdilao ken ti laengen nakita dagiti kameng ti BFP a naganawa ket ti pananglayat kenkuana ti SK Federated President.
Inbatad na pay a kalpasan ti maipagarop a panangdangran kenkuana ni Pagdilao ken dagus a napan iti PNP tapno agreport ngem rumrumwar a kinarit isuna ti SK Federated President nga uray mangipila ti kaso ni Gubac.
Kabayatanna, saan pay a maibaga ni Gubac no anya ti sumaruno nga addang na gapo ta urayen na pay no anya ti pagresultaan ti sumaruno a panagsasarita da.
