LAOAG CITY – Kalikagum ti Presidential Anti-Organized Crime Commission (PAOCC) iti operasionda inton 2025 dagiti small scale Philippine Offshore Gaming Operations (POGO).
Segun ken ni Presidential Anti-Organized Crime Commission executive director Undersecretary Gilbert Cruz, kalpasan a naipaserra dagiti dadakkel a Philippine Offshore Gaming Operations ditoy pagilian, adda dagiti mangmangged a nangbukel ti operations-da iti nagduduma a lugar ditoy pagilian.
Inbatadna a kaadduan kadagiti mangimaton kadagiti small scale POGO ket dagiti Pilipino a suportado latta dagiti foreign nationals.
Inlawlawagna a masapol a dumalan nga umuna iti profiling dagiti foreign nationals dagiti biktimaenda sakbay a maipasa kadagiti keyboard workers a maipagarup a Pilipino.
Kunana a nakamonitor laeng dagiti foreign nationals kadagiti Filipino workers-da nga agserserbi kas keyboard workers gapu ta masapol latta ti collaboration para iti pannakapataray ti maysa a POGO hub.
