Sobra a panagipauneg ti junk foods ken softdrinks, mangitunda iti panagbalin nga obese overweight wenno underweight – Dietician

LAOAG CITY – Napintas a damag ti inlungalong ni Senador Lito Lapid a pannakaikkat dagiti lako a junk foods ken softdrinks kadagiti pampubliko a pagadalan iti intero a pagilyan.

Daytoy ti inbatad ni Ms. Mercy Arzadon, Nutritionist Dietician iti Mariano Marcos Memorial Hospital and Medical Center iti ciudad iti Batac.

Inlawlawag ni Arzadon a dagiti junk foods ken softdrinks ket kababaan ti bitamina ken mineral isut gapu na a saan a napintas nga ipauneg dagiti ubbing.

Segun ken ni Arzadon, no masobraan ti agipauneg kadagiti junk foods ken softdrinks ket mangitunda ti panagbalin nga obese, overweight wenno underweight.

Innayon na a saan a napintas ti panagipauneg kadagiti junk foods gapu ta dagitoy ket naaapgad idinto a dagiti softdrinks ket ado unay ti asukar na.