LAOAG CITY – Kalikagum ti Region 12 wenno Soccsksargen a makagun-od ti nangatngato a puesto iti Palarong Pambansa 2025.
Segun ken ni Ms. Reah Joy Halique, Information Officer ti
Soccsksargen, daytoy ket kalpasan a nagun-odda ti maika-walo a puesto iti napalabas a tawen a naisayangkat idiay siudad ti Cebu.
Inbatadna a magagaran dagiti pambatoda nga atleta a makibinnalubal kadagiti nagduduma a tay-ak ti ay-ayam.
Inlawlawagna a pursigido ti Soccsksargen a makaiyawid manen ti naruay a medalya a mangipaay kadakuada ti nangatngato a puesto ita a tawen.
Kunana a napintas ti pagadalan nga agserbi a Billeting Quarters-da gapu ta nalawa a pangisayangkatanda ti panagsanay dagiti atleta.
Mainaig iti daytoy, dinayawna ti nabara a panagsarabo kadakuada ti Ilocos Norte Agricultural College ken ti naiget a panangakomodar sipod idi simmangpetda ditoy Ilocos Norte.
Innayonna nga adda ti pakabuklan a 846 a delegates manipud iti Soccsksargen pakairaman ditoy dagiti atleta, coaches, chaperone ken ti Regional Technical Working Group.
