LAOAG CITY – Ipresentaren ti Norway ti nailungalong a gakat a mangipawil iti social media kadagiti agtutubo nga agtawen ti 16 agpababa.
Daytoy ti inbatad ni Norwegian Prime Minister Jonas Gahr Store.
Kuna ti prime minister a daytoy ti kapatgan nga addang tapno maprtehiran dagiti ubbing manipod iti digital lives.
Maipalagip nga adda metten ti sumagmamao a pagilian kas ti France, Spain, ken Denmark nga addaan ti kastoy nga addang nga immunan nga inaramid ti Australia ken Turkey.
Inpetteng ti European Commission a desidido daytoy a mangprotehir kadagiti ubbing ken agtutubo kagiddan ti panangiyam-ammo ti age-verification app nga agbalinen nga available iti European citizens.
Inrakurak met ni Norwegian Minister of Digitalization and Public Governance Karianne Tung a namnamaen na a dagiti technology companies ket siguradwen da a ti age limit ket marespetar.
Basar iti gobierno, bimmaba ti bilang dagiti ubbing nga addaan ti cellphone wenno social media gapu kadagitoy nga addang, karaman ti “national screen-time guidelines” ken ti “recommendations for mobile-free schools.”
