LAOAG CITY – Nangidiaya ti Social Security System (SSS) ti tulong kadagiti miembro ken pensioner a naapektaran iti Bagyo Kristine.
Segun kenni Social Security System Senior Vice President for Lending and Asset Management Group Pedro T. Baoy, linuktanda ti programa ti ahensya a salary loan tapno masigurado a dagus a makabangon dagiti miembro a naapektaran iti nasao a bagyo.
Tapno kualipikado iti programa, masapul nga addaan ti miembro iti 36 a binulan a kontribusion maysa a bulan sakbay ti panag-loan,idinto a dagiti miembro a kayatda ti ag-avail iti dua a bulan a salary loan ket masapul madoble ti binulan a kontribusion da iti Social Security System.
Mainaig iti daytoy, mabalin a bayadan ti loan iti dua a tawen nga addaan iti 10% a tinawen nga interes.
