LAOAG CITY – Iyuswat ti South Korea ti presidential election intono Hunyo 3 ita a tawen.
Daytoy ket kalpasan nga inikkat ti constitutional court ni dati a President Yoon Suk Yeol gapu iti panangideklarar na ti apagbiit a martial law idi disyembre iti napalabas a tawen.
Mismo a ni Acting president Han Duck-soo ti nangiwaragawag ti schedule para iti maiwayat a presidential election.
Inbatad ni Han a kasapulan ti pagilian iti alisto a panagimbag manipod iti pinasar na a sugat ken naan-anay a makarekobre manipod iti inaramid ti dati a presidente.
Maipalagip a gapu iti panangideklarar ni Yoon ti apagbiit a martial law ket nangitunda ti awan kasiguradwan na iti biang ti pulitika ken nabingbingay ti kagimungan.
