LAOAG CITY – Ipapaarestaren ni South Korean President Yoon Suk Yeol dagiti sumagmamano nga opisial ti gobiernona.
Karaman ditoyen ti lider ti ruling party-na a ni Han Dong-hoon ken ti lider ti main opposition a Democratic Party a ni Lee Jae-myung pakairamanan dagiti tallo nga opposition nga agpanpanday linteg.
Inbatad ni National Intelligence Service deputy director Hong Jang-won a gungundawayan itan ni Yoon ti tsansa nga arestaren ken naan-anay a maikkat iti serbisio dagiti kimmontra kenkuana.
Naibutaktak ti nasao a plano iti naisayangkat nga emergency meetings ti political parties.
Immuna iti daytoy, pagbubutosan ita nga aldaw ti Sabado dagiti members of parliaments ti impeachment kontra ken ni Yoon.
Kabayatanna, ti opposition ket addaan ti majority a 300-seat parliament a masapol ti suporta ti walo a ruling party members of parliament tapno maipasigurado ti 200 votes a kasapulan iti impeachment motion a maipasa.
