LAOAG CITY – Nangipasa ti South Korean parliament ti motion a mangikidkiddaw a maikkat ti indeklarar a martial law ni President Yoon Suk-yeol.
Basar kadagiti agpanpanday linteg, ti nasao a mosyon ken naipasa iti babaen ti National Assembly ken saan laeng a panawagan daytoy a maikkat ti martial law isut gapuna a rumbeng a sumungbat ti presidente.
Inpasigurado met ti kangrunaan nga opposition party a Democratic Party lider a ni Lee Jae-myung a protehiran da ti konstitusyon.
Nagpanawagan pay ti sumagmamano nga agpanpanday linteg nga iyuswat ti national assembly ti panang-impeach ken ni Yoon.
Uray ti kaalyado ni Yoon a ni Han Dong-hoon ket naladingitan iti nagbalin a desisyon ti presidente.
Awan pay ti epekto ti nasao a martial law gapu iti pannakaipasa ti mosyon iti naiyuswat a national assembly.
Nagtalinaed a naka-standby dagiti soldado ken pulis iti sumagmamamno a government buildings idinto nga adda ti sumagmamano a protesters a nagturong iti sangwanan ti parliamento tapno suportaran ti pannakaikkat ti martial law.
