LAOAG CITY – Inrakurak ni Philippine National Police (PNP) Spokesperson PBGen. Randulf T. Tuaño nga agtultuloy nga i-refresh kadagiti kapulisan saan laeng iti national headquarters pakairamanan dagiti regional offices ti mainaig iti special rescue and recovery training ti ahensia.
Ti nasao a panagsanay ket maysa kadagiti agbalin a panagsagsagana ti kapulisan no bilang sumangbay ti “The Big One.”
Inbatad ni Tuaño, mangrugrugin ti instructions iti panangipaay dagiti “Go Bags” kadagiti kapulisan.
Naammoan a maysa kadagiti mainspeksion ti kinasagana ti ahensia kadagiti logistics kas ti rubber boat, equipment, ambulansia ken dadduma pay.
Innayonna a manarimaan ti pannaka-audit dagiti satellite phones iti national headquarters ken dagiti regional offices gapu ta daytoy laeng ti agbalin nga exempted iti komunikasion apaman a mapasaran ti nakaro a didigra.
